المشاهيررئيسي

الفنانة ياسمين عبد العزيز تجرى عملية جراحية صعبة وخطيرة

أعلن وائل عبد العزيز شقيق الفنانة ياسمين عبد العزيز عبر حسابه الشخصي على موقع التواصل الاجتماعي فيس بوك عن آخر تطورات وضعها الصحي عقب إعلان زوجها أحمد العوضي أمس خضوعها لعملية جراحية.

وكتب وائل عبر صفحته: “صباح الخير، أنا كل اللي هقدر أقوله دلوقتي ادعوا لياسمين حالتها خطرة”.

ومن جهته طالب الفنان أحمد حلمي جمهوره بالدعاء لـ ياسمين عبد العزيز عبر خاصية ستوري بحسابه على تطبيق “إنستجرام” وعلق: “أختي الغالية ياسمين بتعمل عملية صعبة ممكن تدعولها تقوم بالسلامة”.

وحرصت منى زكي على الدعاء لصديقتها المقربة ياسمين ونشرت صورة لها وعلقت عليها: “يارب بحق الأيام الكريمة دي تقومي بالسلامة يا ياسمين وترجعي لولادك وبيتك، أدعولها تقوم بالسلامة يا رب”.

أحمد العوضي يعلن خضوع ياسمين عبدالعزيز لجراحة

وكتب أحمد العوضي في صفحته الرسمية على موقع التواصل الاجتماعي فيس بوك قائلاً: ” الرجاء الدعاء بظهر الغيب لزوجتي وحييبتي ياسمين … هي في العمليات ومحتاجه دعواتكم”.

ووجه رسالة إلى  ياسمينقائلاً: “يمكن ببان  قدامكم دايما قوي .. لكن الحقيقه انا دلوقتي أضعف انسان علي وجه الارض عشان انا روحي مش معايا … انا ضعيف جداً من غيرك انتي لازم تبقي كويسه ولازم تقومي بالسلامة”.

وتابع العوضي في رسالته: “أنا لأول مره اكتب من غير ما اكون مفكر انا بكتب ايه وهكتب ايه،  بس انتي هتقومي ان شاء الله باذن الله عشان انتي وعداني وعد وهتتفذيه، أنا عاوزك تبقي كويسة وتقومي عشان اقولك اني لو كنت ببينلك اني بحبك مره فالحقيقي واللي جوايا اني بحبك الف  مرة”.

وعبر أحمد العوضي عن حزنه الشديد بسبب مرض ياسمين عبدالعزيز قائلاً: “وأنا دلوقتي مش قوي زي ما انتي بتشوفيني انا دلوقتي ضعيف ضعيف جدا، لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك …. قومي عشان انا بحبك…  بحبك اكتر بكتيير من كل الكلام اللي انا كتبته .. اكتر بكتير من كل اللي عدينا بيه مع بعض من ايام حلوه ومواقف صعبه مرت علينا … اكتر بكتير حتي من الموقف اللي احنا فيه دلوقتي .. انا بحبك”.

وطلب العوضي من الجمهور الدعاء لزوجته الفنانة ياسمين عبد العزيز :” ادعولها تقوم بالسلامه زي ما انتو دايما بتدعولها بالنجاح والتوفيق .. هي دلوقتي محتاجه دعواتكم”.

شاهد أيضاً: متهورة بس بحبك .. شاهد رد تامر حسني لزوجته بعد خبر انفصالهما

مقالات ذات صلة

زر الذهاب إلى الأعلى